पेण ः- प्रतिनिधी
तरणखोप येथील संतोष शेठ घरत यांच्या पेंड्याच्या गोदामाला लाईटच्या शॉट सरकीटमुळे आग लागून लाखोंचे नुकसान झाले आहे. याबाबत सविस्तर वृत्त असे की, तरणखोप ग्रामपंचायतीच्या हद्दीत मुंबई-गोवा महामार्गाच्या शेजारी संतोष शेठ घरत यांचे पेंड्याच्या गठळयांचा मोठा गोडाउन आहे त्या गोडाउनमध्ये जवळपास 1500 ते 1600 पेढयांच्या गठळया होत्या. अचानक विजेच्या तारा शॉट सरकीट होउन पेढयाला आग लागली. बोलबोलता दुपारची वेळ असल्याने या आगीने रौद्ररुप धारण केले. शेजारी असलेल्या संतोष शेठ यांच्या घरात धुरचं धुर झाले. शेवटी आग विझवण्याचे प्रयत्न अपुरे पडायला लागले. त्यावेळी पेण नगरपालिकेचे अग्नीशामक दल व जेएसडब्ल्यू स्टील कंपनीचे अग्नीशामक दलाला पाचारण केले. परंतू तो पर्यंत मोठयाप्रमाणात पेंड्याच्या गठळयांना आग लागल्याने लाखोंचे नुकसान झाले होते. शेवटी प्रसार माध्यमांनी माहिती घेतल्यानंतर असे समजले की, साधारणतः 10 ते 12 लाखांचे नुकसान झाल्याचे सांगितले. सदर घटनेची माहिती तहसीलदार तानाजी शेजाळ यांना प्रसार माध्यमांच्या प्रतिनिधींनी भ्रमंती ध्वनीवरुन दिली असता त्यांनी घटनास्थळी मंडळ अधिकारी व तलाठी यांना तातडीने पाठवणार असल्याचे प्रसार माध्यमांच्या प्रतिनिधींना सांगितले.
उशिरा पर्यंत जेएसडब्ल्यू स्टील कंपनीचे अग्नीशामक दल व पेण नगरपालिकेचे अग्नीशामक दल शरतीचे प्रयत्न करीत होते.
