पेण ः प्रतिनिधी
मे. हावरे ग्रँड म्हटल्यानंतर एक गृहनिर्माण व्यवसायातील नाव मात्र नाम बडे और दर्शन छोटे पेण नगरपालिकेच्या कार्यक्षेत्रात मे. हावरे ग्रँड यांच्या तर्फे अनिल कुमार सिंघ व उज्वला सतिश हावरे यांच्या नावे सर्वे नं. 256अ/1, 256अ/2 हे सातबारे आहेत. त्याच्याच शेजारी असलेल्या 256अ/3 हा महाराष्ट्र शासनातर्फे महाराष्ट्र गृहनिर्माण मंडळ क्षेत्र विकास या नावाने म्हाडाचा सातबारा आहे. हावरे गु्रपने स्वतःची जागा सोडून महाराष्ट्र गृहनिर्माण मंडळ क्षेत्राच्या जागेवर बांधकाम केले आहे ते ही, बेकायदेशीर पेण नगरपालिकेतून कोणत्याही प्रकारचा बांधकाम परवाना घेतलेला नाही. स्वतःच्या मर्जीने म्हाडाच्या जागेत बिनधास्तपणे बांधकाम केले आहे. तसेच लगतच्या शेतकर्‍यांचे देखील ये-जा करण्याचे मार्ग आडविले आहेत. हावरे ग्रुप आणि म्हाडाच्या शेजारी मधुकर कृष्णा पाटील यांच्या स्वतःच्या मालकीची जागा आहे. त्यांच्या जागेवर जाण्यासाठी असलेला रस्ता हावरे ग्रुपने बंद केला असून, म्हाडाच्या जागेवर बांधकाम केल्याची तक्रार मधुकर पाटील यांचे चिरंजीव अंतोरे सरपंच अमित पाटील यांनी पेण तहसिलदार, पेण उपविभागीय अधिकारी, जिल्हाधिकारी रायगड, गृह राज्य मंत्री यांच्याकडे लेखी स्वरुपात केली आहे. या तक्रारीच्या अनुषंगाने तहसिलदार तानाजी शेजाळ सुनवाई लावली होती परंतू, हावरे ग्रुप कडून आलेला इसम मंगेश चव्हाण हा बेशूटपणे खोटं बोलून तहसिलदारांना चुकीची माहिती पुरवित होता. तर आपल्या अवैध बांधकामाचा समर्थन करत तो बांधकाम तात्पुरता आहे. असही निर्लज्जपणे तहसिलदारांना सांगत होता. घटनास्थळी बांधकाम पहिल्यावर ते तात्पुरता आहे असे बोलणे म्हणजे सरळ सरळ तहसिलदारांना फसविण्यासारखेच होते.
नगरपालिकेतून बांधकाम परवाना दिला नाही ः- मुख्याधिकारी जीवन पाटील
पेण नगरपालिकेचे मुख्याधिकारी जीवन पाटील यांना 256अ/1,2,3 मध्ये हावरे ब्रदर्सला बांधकाम परवाना दिला आहे का? अशी विचारणा केली असता त्यांनी सांगितले की, आमच्याकडे ही तक्रारी अर्ज आला आहे. आम्ही चौकशी केली असता हावरे ग्रुपला कोणत्याही प्रकारचा बांधकाम परवाना दिलेला नाही. बांधकाम परवाना न घेता जर बांधकाम करत असतील तर कायदेशीर कारवाई केली जाईल मी, बांधकाम विभागाच्या अधिकार्‍यांना पंचनाम्यासाठी पाठवतो.
तालुक्यातील सर्व अधिकारी वर्ग अवैध कामांना मदत करीत आहेत. ः- अंतोरे सरपंच अमित पाटील (तक्रारदार)
सर्वसामान्यांकडून थोडीशी जरी चुकी झाली तरी अधिकारी वर्ग कायदयाचा बडगा दाखवतात पण म्हाडाच्या जागेमध्ये न कुणाला घाबरता हावरे ग्रुप बांधकाम करीत आहे. यावरुन अधिकारी वर्ग आणि हावरे ग्रुप यांचा हिंतसंबंध तर नाही ना? असेच माझ्यासारख्या शेतकर्‍याला प्रश्र्न निर्माण झाला आहे. माझ्या जागेत जाण्यासाठी रस्ता बंद केला असून, त्यावर बांधकाम सुरु केला आहे. तक्रार करुनही अधिकारी जर दुर्लक्ष करीत असतील तर याचाच अर्थ अवैध बांधकामाला अधिकारी वर्गाचा आर्शिवाद आहे.
अवैध बांधकाम असल्यास काढून घेतला जाईल ः तहसिलदार तानाजी शेजाळ
हावरे ग्रुप ने परवानगी न घेता म्हाडाच्या जागेत बांधकाम केल्याबाबत तहसिलदारांना विचारले असता तहसिलदारांनी सांगितले की, बेकायदेशीर बांधकाम असल्यास आपण पंचनामे करुन घेउ. आणि बांधकाम काढण्यास सांगू.