पेण ः प्रतिनिधी
पेण मधील पोस्को गुन्हा अंतर्गत अटक झालेल्या मनीष नरेंद्र म्हात्रे पेण आणि पुणे स्वारगेट बलात्कार प्रकरणी आरोपी दत्ता गाडे, अशा वारंवार होणार्‍या अत्याचारात माता भगिनी नाहक शिकार होत आहेत, राज्यात कायदा सुव्यवस्था अस्तित्वात आहे की नाही अशी शंका सामान्य जनतेच्या मनात येत आहे, या आधी उरण, बदलापूर अशी अनेक प्रकरणे ताजी असतानाच आजही त्या गुन्हेगारांना योग्य ते शासन आजून झालेले नाही. आज शिवसेना उध्दव बाळासाहेब ठाकरे पक्षातर्फे निवेदनाद्वारे गुन्हेगार कितीही मोठा राजकीय वरदहस्त असलेला का असेना त्याला शिक्षा झालीच पाहिजे, पेण मधील गुन्हा तर अल्पवयीन मुलीवर झाला आहे, प्रेमाची खोटी आश्र्वासने देउन फक्त शरीरसुखासाठी आज हे असे नीच वृत्तीचे तरूण मुलींचे आयुष्य बरबाद करत आहेत, तरी या प्रकरणी कुठलीही तमा न बाळगता सखोल चौकशी होउन दोषी व्यक्तीस कठोर शिक्षा व्हावी, कारण हा एकच पर्याय आता असे कृत्य करणार्‍या दुसर्‍या गुन्हेगाराच्या मनात खाकी ची धाक वाढवू शकतो. तरी समस्त जनतेची शिवसेना उध्दव बाळासाहेब ठाकरे पक्षाच्या वतीने ही मागणी आहे, लवकरात लवकर दोषी व्यक्तींवर कठोरातील कठोर कारवाई व्हावी यासंबंधित पेण पोलीस स्टेशनला निवेदन देण्यात आले.
यावेळी श्रीम.दीपश्री पोटफोडे, दर्शना जवके, महानंदा तांडेल, मेघना चव्हाण, वैशाली समेळ, स्मृती म्हात्रे, छाया बामणे, मोहिनी म्हात्रे, हिराजी चोगले, नंदू मोकल, गजानन मोकल, विजय पाटील, योगेश पाटील, विनोद म्हात्रे, समिर म्हात्रे, नामदेव पिंगलस्कर, राकेश पाटील, तुकाराम म्हात्रे हे उपस्थित होते.
यावेळी प्रसार माध्यमांशी बोलताना रायगड जिल्हा संघटीका दीपश्री पोटफोडे यांनी सांगितले की, पेण येथील अल्पवयीन झालेला अत्याचार हा माणूसकीला काळीमा फासणारा असून, एका जबाबदार व्यक्तीचा मुलगा ज्यावेळी आपल्या आईच्या पदाचा दुरुपयोग करुन लहान कळया कुसकरु पाहत आहेत. अशांना कठोरातील कठोर शासन होणे गरजेचे आहे. त्यातच अशा व्यक्ती ज्या आपल्या मुलांना योग्य त्याप्रकारे संस्कार करत नाही आणि आपल्या मुलांच्या चुकांवर पांघरुण घालत असतील तर, त्यांनी आपल्या पदाचा राजीनामा त्वरीत दयावा. जर त्या पदावर राहिल्यास गुन्हयात ढवळाढवळ होण्याची शक्यता नाकारता येणार नाही.
