पेण ः- प्रतिनिधी
मे. हावरे ग्रँड म्हटल्यानंतर एक गृहनिर्माण व्यवसायातील नाव, मात्र नाम बडे और दर्शन छोटे पेण नगरपालिकेच्या कार्यक्षेत्रात मे. हावरे ग्रँड यांच्या तर्फे अनिल कुमार सिंघ व उज्वला सतिश हावरे यांच्या नावे सर्वे नं. 256अ/1, 256अ/2 हे सातबारे आहेत. त्याच्याच शेजारी असलेल्या 256अ/3 हा महाराष्ट्र शासनातर्फे महाराष्ट्र गृहनिर्माण मंडळ क्षेत्र विकास या नावाने म्हाडाचा सातबारा आहे. हावरे ग्रुपने स्वतःची जागा सोडून महाराष्ट्र गृहनिर्माण मंडळ क्षेत्राच्या जागेवर बांधकाम केले होते. मात्र शेजारी असणारे जागरूक शेतकरी अमित पाटील यांनी साप्ताहिक गर्जा रायगडच्या मदतीने हावरे ग्रुपने केलेली घुसखोरी सर्वांच्या समोर आणली आणि कायदेशीर कारवाईची मागणी तहसिलदार, प्रांताधिकारी, जिल्हाधिकारी व मुख्यमंत्र्यांकडे मागणी केली होती. या बाबतची पेण तहसिल कार्यालयाने तात्काळ दखल घेत 5 फेब्रुवारी रोजी मंडळ अधिकारी सुजाता जाधव व पेण तलाठी अनिकेत पाटील यांना घटनास्थळी पाठवले. त्यावेळी आमचे प्रतिनिधी घटनास्थळी स्थळ पंचनामा करण्यासाठी हजर होते. प्रथम दर्शनीच मंडळ अधिकारी आणि तलाठयांनी अतिक्रमण झाल्याचे सांगून पंचनामा केला. त्यानंतर हावरे ग्रुपला समजून चूकले की, 256 अ/3 हया सातबार्‍यावरील बांधकाम आपल्या अंगलट येईल. हे पाहुन त्यांनी ते बांधकाम रातोरात काढले. परंतु मुंबई-गोवा राष्ट्रीय महामार्गाची साधारणतः 15 मिटर जागा आतमध्ये घेतल्याचे मंडळ अधिकारी सुजाता जाधव व तहसिलदार यांनी आपल्या पंचनाम्यामध्ये नमुद केले होते. मात्र आता ही मुंबई राष्ट्रीय महामार्गाची 15 मिटरची जागा ही हावरे ग्रुपने आपल्या कुंपनामध्ये पत्रे लावून आत घेतले आहेत.
सदरील जागा ही राष्ट्रीय महामार्गाची असुनही राष्ट्रीय महामार्गाचे अधिकारी याकडे कानाडोळा का करत आहेत. याबाबत सध्या जनसामान्यात उलटसुलट चर्चा सुरू आहेत. तरी तातडीने राष्ट्रीय महामार्गाची जागा खाली करावी आणि घातलेले कुंपन काढून टाकावे अशी मागणी जोरधरू लागली आहे.
