गर्जा रायगडचा दणका
पेण ः प्रतिनिधी
मे. हावरे ग्रँड म्हटल्यानंतर एक गृहनिर्माण व्यवसायातील नाव, मात्र नाम बडे और दर्शन छोटे पेण नगरपालिकेच्या कार्यक्षेत्रात मे. हावरे ग्रँड यांच्या तर्फे अनिल कुमार सिंघ व उज्वला सतिश हावरे यांच्या नावे सर्वे नं. 256अ/1, 256अ/2 हे सातबारे आहेत. त्याच्याच शेजारी असलेल्या 256अ/3 हा महाराष्ट्र शासनातर्फे महाराष्ट्र गृहनिर्माण मंडळ क्षेत्र विकास या नावाने म्हाडाचा सातबारा आहे. हावरे ग्रुपने स्वतःची जागा सोडून महाराष्ट्र गृहनिर्माण मंडळ क्षेत्राच्या जागेवर बांधकाम केले होते. मात्र शेजारी असणारे जागरूक शेतकरी अमित पाटील यांनी गर्जा रायगडच्या मदतीने हावरे ग्रुपने केलेली घुसखोरी सर्वांच्या समोर आणली आणि कायदेशीर कारवाईची मागणी तहसिलदार, प्रांतधिकारी, जिल्हाधिकारी व मुख्यमंत्र्यांकडे मागणी केली होती. या बाबतची पेण तहसिल कार्यालयाने तात्काळ दखल घेत 5 फेब्रुवारी रोजी मंडळ अधिकारी सुजाता जाधव व पेण तालाठी अनिकेत पाटील यांना घटनास्थळी पाठवले. त्यावेळी आमचे प्रतिनिधी घटनास्थळी स्थळ पंचनामा करण्यासाठी हजर होते. प्रथम दर्शनीच मंडळ अधिकारी आणि तलाठयांनी अतिक्रमण झाल्याचे आमच्या प्रतिनिधीला सांगितले. त्यानंतर गर्जा रायगडमध्ये सदरील वृत्त दुसर्‍यावेळी प्रसिध्द झाले. वेगवेगळया मार्गाने आमच्या प्रतिनिधीवर वृत्त प्रसिध्द होउ नये यासाठी दबाव आणण्याचा प्रयत्न केला. परंतु सत्याची बाजु ही सत्याची बाजु होती. ती बाजु आम्ही लावून धरली अखेर हावरे ग्रुपला आपली चूक मान्य करत महाराष्ट्र गृह निर्माण चा सर्वे नं. 256अ/3 वरील बांधकाम काढण्यास भाग पडले. आजच्या स्थितीला गृह निर्माण सातबारा खाली केल्याचे चित्र दिसत आहे. परंतु चुक ही चुक असते त्यामुळे हावरे ग्रुप विरूध्द कारवाई व्हावी अशी प्रतिक्रिया सर्व स्थरातून पुढे येत आहे.
हे सर्व होत असताना स्थानिक शेतकरी अमित पाटील यांच्या रस्त्याचा प्रश्र्न निरुत्तरी आहे. आमच्या प्रतिनिधीशी बोलताना अमित पाटील यांनी सांगितले की, मी पेण नगरपालिकेसोबत पत्रव्यवहार केला आहे. जो पर्यत माझ्या रस्त्याचा प्रश्र्न सुटत नाही तो पर्यत हावरे ग्रुपला बांधकामाचा परवाना देउ नये. मुळातच हावरे ग्रुपने नगरपालिकेला चुकीची माहिती देउन नगरपालिकेची फसवणूक केली आहे. आताही मला रस्ता न सोडता नगरपालिकेला चुकीची माहिती देउन बांधकाम परवाना मागवू शकतील. म्हणूनच मी नगरपालिकेशी पत्रव्यवहार करून हावरे ग्रुपचे मनसुबे काय ते कळवले आहे.
एकंदरीत काय तर गर्जा रायगडने सदरील बाब लावून धरल्याने हावरे ग्रुपला माघार घेण्यास भाग पडले आहे. प्रसार माध्यमांनी आपली भुमिका प्रामाणिक भाग पाडल्यास कितीही मोठी शक्ती असली तरी आपण केलेली चुक कबुल करावी लागते.
